Demir ýollary arasyndaky Hyzmatdaşlyk Guramasyna  agza ýurtlaryň demir ýol ulag kärhanalarynyň ýolbaşçylarynyň we jogapkär wekilleriniň konferensiýasynyň 38-nji ýygnagy Aşgabatda öz işine başlady. Duşuşyk 19-njy aprele çenli dowam eder.

Duşuşygy açan Türkmenistanyň Ministrler Kabinetiniň ýanyndaky Ulag we kammunikasiýalar agentliginiň Baş direktory Mammethan Çakyýew Türkmenistanyň Prezidenti Serdar Berdimuhamedowyň gutlag ýüzlenmesini okady.

Foruma Demir ýollaryň hyzmatdaşlygy guramasynyň agza döwletleriniň 19 ýurduň demir ýol bölümleriniň ýolbaşçylary we ýokary derejeli wekilleri, şeýle hem Finlýandiýa, Fransiýa, Germaniýa we Gresiýa ýaly 4 ýurtdan synçylar gatnaşýar.

Şu gün — 15-nji aprelde Aşgabatda Demir ýollaryň hyzmatdaşlygy guramasyna agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisi öz işine başlady. Ähmiýetli forum paýtagtymyzyň gözel künjeginde ýerleşýän «Ýyldyz» myhmanhanasynda geçýär.

Mejlis hormatly Prezidentimiz Serdar Berdimuhamedowyň Demir ýollaryň hyzmatdaşlygy guramasyna agza döwletleriň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisine gatnaşyjylara ýollan Gutlagynyň okalmagy bilen başlandy.

Maslahatyň gün tertibine laýyklykda, guramanyň ýöriteleşdirilen komissiýalarynyň we hemişelik iş toparlarynyň 2023-nji ýyl üçin işleriniň netijelerine seretmek, geljek ýyllar üçin iş meýilnamasyny ara alyp maslahatlaşmak, guramany ösdürmegiň Strategiýasynyň taslamasyny düzmegiň maksadalaýyklygyny öwrenmek, demir ýol ulgamynda işgärleriň hünär taýýarlygy, okuwlary guramak bilen bagly birnäçe ugurdaş meseleleri ara alyp maslahatlaşmak göz öňünde tutulýar.