“Türkmenistanyň Prezidenti Arkadagly Gahryman Serdarymyzyň ösüş maksatnamalaryny durmuşa geçirmekde döwletiň we jemgyýetiň bilelikdäki tagallalarynyň ähmiýeti” atly maslahat geçirildi
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmendemirýollary» agentliginde “Türkmenistanyň Prezidenti Arkadagly Gahryman Serdarymyzyň ösüş maksatnamalaryny durmuşa geçirmekde döwletiň we jemgyýetiň bilelikdäki tagallalarynyň ähmiýeti” atly maslahat geçirildi.
Maslahatda çykyş edenler ösüşlere beslenýän döwrümizde Gahryman Arkadagymyzyň eziz Watanymyzy dünýäniň iň ösen döwletleriniň birine öwürmek baradaky ägirt uly işleri Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda mynasyp dowam etdirilýändigini nygtadylar. Ýokary derejede geçen Halk Maslahatynyň Prezidiumynyň mejlisinde «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynyň» halk bähbidini nazarlaýandygyny beýan etdiler. Mejlisde Halk Maslahatynyň işiniň esasy ugurlary boýunça Türkmenistanyň Mejlisi, ministrlikler we pudaklaýyn dolandyryş edaralary, jemgyýetçilik birleşikleri bilen bilelikde şu ýyl ýerine ýetirilmeli işleriň esasy ugurlary boýunça çäreleriň meýilnamasynyň ara alnyp maslahatlaşylmagynyň ata-babalarymyzyň «Maslahatly biçilen don gysga bolmaz» diýen durmuş ýörelgesine esaslanýandygyny hem bellediler.
Şeýle-de bu wezipeleriň hatarynda dürli ugurlar bilen birlikde ulag we beýleki durmuş hyzmatlar ulgamyny ösdürmek babatda wezipäniň esasy wezipeleriň biri bolup galýandygy, Ulag we kommunikasiýa ulgamynda zähmet çekýän hünärmenleri eziz Watanymyzyň geljegi, gülläp ösmegi, raýatlarymyzyň ýaşaýyş-durmuş şertleriniň has-da gowulanmagy üçin jan aýaman zähmet çekmäge bolan islegleriniň artdyrýandygy nygtaldy. Maslahatyň dowamynda «Demirýollary» açyk görnüşli paýdarlar jemgyýetiniň «Altyn menzil» aýdym-saz topary çykyş etdi.
Şeýle-de maslahatyň ahyrynda hormatly Prezidentimiziň we Gahryman Arkadagymyzyň adyna Ýüzlenme kabul edildi.